Fréttir

Undanfarna daga hefur hluti slökkviliðsmanna verið við æfingar í Sæbjörginni, skólaskipi Slysavarnaskóla sjómanna.

Haustþing Læknafélags Akureyrar og Norðausturlandsdeildar Félags íslenskra hjúkrunarfræðinga verður haldið á Akureyri laugardaginn 4. október. Efni þingsins fjallar um bráðaþjónustu á landsbyggðinni og er verið að vinna í dagskránni sem verður tilbúin á næstu vikum. Þeir sem hafa áhuga ættu að taka þennan dag frá og fylgjast með nánari upplýsingum um haustþingið á vef Sjúkraflutningaskólans.

Gærdagurinn var þéttur svo ekki sé meira sagt í sjúkraflugi á vegum Slökkviliðs Akureyrar og Mýflugs.

Samantekt á fyrstu 6 starfsmánuðum liðsins er nú tilbúin. Í samantektinni er farið yfir hluta af verkefnum liðsins ásamt tölfræði útkalla.

Rétt fyrir miðnætti barst slökkviliði Akureyrar tilkynning um eld í myndlistarskólanum í Kaupvangsstræti (listagili). Allt vakthafandi lið frá aðalstöð og flugvelli var kallað á staðinn, ásamt því að mannskapur af tveimur frívöktum var kallaður til. Reykafarar hófu þegar leit í húsinu en mikill reykur og hiti var á miðhæð hússins.

Lögreglunni á Akureyri barst tilkynning í nótt um að skip væri farið að hallast við Krossanesbryggju. Talið var nauðsynlegt að grípa til aðgerða og gengu hafnarverðir og slökkvilið í málið.

Föstudaginn 16. maí 2008 fór útskrift nemenda Sjúkraflutningaskólans fram við hátíðlega athöfn á FSA. Að þessu sinni útskrifuðust 71 sem lokið höfðu almennu námskeiði í sjúkraflutningum og neyðarflutningum. Í ræðu skólastjóra, var m.a. rakin starfsemi skólans á síðastliðnu skólaári og þar kom fram að 570 nemendur höfðu sótt námskeið á vegum Sjúkraflutningaskólans veturinn 2007-2008.

Ný sjúkrabifreið verður tekin í notkun í dag hjá Slökkviliði Akureyrar.

Slökkvilið Akureyrar óskar eftir slökkviliðs- og sjúkraflutningamönnum með reynslu. Um er að ræða 100 % störf í vaktavinnu við sjúkraflutninga, slökkvistörf og reykköfun, björgun og neyðarflutninga.

Um sjöleytið í gærkvöldi kom tilkynning um reyk úr kjallara í Lundi þar sem starfrækt er jógastöð.