Fréttir

Rétt fyrir klukkan níu í kvöld var slökkviliðið beðið um aðstoð vegna elds í stórum heystabba við bæinn Miklagarð í Eyjafjarðarsveit.  Kveikt hafði verið í heyinu í dag en mikill reykur barst frá eldinum og var farinn að valda íbúum í nágrenninu óþægindum. 

Framkvæmdaráð Akureyrarkaupstaðar hefur ákveðið að ráða Þorbjörn Haraldsson sem slökkviliðsstjóra Slökkviliðs Akureyrar.

Nú standa yfir breytingar á húsnæði slökkviliðsins í Árstíg í kjölfar þess að við fengum allt húsið fyrir okkur.

Sex sóttu um stöðu slökkviliðsstjóra Slökkviliðs Akureyrar.  Umsóknarfrestur rann út 8. október sl.

Valur Halldórsson, liðsmaður SA. sem verið hefur í paramedicnámi í Pittsburg síðan í ágúst, hefur hætt námi af persónulegum ástæðum.  Hann er kominn til Íslands og kemur aftur til starfa um aðra helgi.

Rétt fyrir klukkan sjö í morgun (sunnudag) var tilkynnt um eld að bænum Búlandi í Arnarneshreppi, skammt sunnan Hjalteyrar.  Strax voru sendir dælubíll og tankbíll á staðinn en vitað var að langt er í vatn á þessum slóðum.  Einnig fór sjúkrabíll og þjónustubíll með samtals 7 mönnum til viðbótar, ennfremur sem hjálp barst frá hjálparliði Arnarnesshrepps sem komu m.a. með haugsugur með vatni ef þyrfti.  Fljótlega fékkst staðfest að allir voru komnir út en tvennt var í húsinu og vöknuðu þau við reykskynjara.

Umsóknarfrestur um starf slökkviliðsstjóra rennur út á miðnætti 8. október.  Nánari upplýsingar og umsóknir skal skila á vef Capacent.

Tilkynning barst til Slökkviliðs Akureyrar um eld á neðri hæð í Hamragerði 25 á Akureyri kl. 00:05 í nótt. Strax voru sendir tveir dælubílar og sjúkrabíll á staðinn ennfremur sem kallaðar voru út vaktir á frívakt.