Fréttir

Reykskynjari og hárrétt viðbrögð húsráðanda komu í veg fyrir stórtjón þegar að eldur kom upp í húsi á Akureyri aðfaranótt miðvikudags. Lögreglu og slökkviliði barst tilkynning um miðnætti um eld í einbýlishúsi við Kringlumýri á Akureyri. Þar hafði eldur kviknað út frá eldavélahellu sem hafði líklega kviknað á þegar verið var að þrífa hana um kvöldið. Húsráðandi var sofandi heima ásamt 2 börnum sínum þegar reykskynjari fór í gang og vakti heimilisfólk. Húsmóðirin sýndi mikið snarræði og slökkti eldinn með handslökkvitæki áður en hann náði að breiðast út.  

Hjá slökkviliði Akureyrar er laust til umsóknar starf eldvarnaeftirlistmanns. Um er að ræða 100 % starf í dagvinnu. Laun eru skv. Kjarasamningi Launanefndar sveitarfélaga og Landssambands slökkviliðs- sjúkraflutningamanna.

Frétt af akureyri.isSíðasta sunnudag héldu viðbragðsaðilar í björgun og almannavörnum hinn svokallaða 112 dag, sem var helgaður margvíslegum störfum sjálfboðaliða að forvörnum, leit og björgun, almannavörnum og neyðaraðstoð. Markmiðið með 112 deginum var að kynna neyðarnúmerið og starfsemi aðilanna sem tengjast því, efla vitund fólks um mikilvægi þessarar starfsemi og hvernig hún nýtist almenningi.

Hjá Slökkviliði Akureyrar eru laus til umsóknar störf slökkviliðs- og sjúkraflutningamanna. Um er að ræða 100 % störf í vaktavinnu við sjúkraflutninga, slökkvistörf og reykköfun, björgun og neyðarflutninga. Laun eru skv. kjarasamningi Launanefndar sveitarfélaga og Landssambands slökkviliðs-og sjúkraflutningamanna.

Nú í janúar hafa allir starfsmenn SA setið endurmenntunarnámskeið Sjúkraflutningaskólans.  Hver starfsmaður hefur setið tveggja daga endurmenntun.