Myndir

Áramótavakt slökkviliðs Akureyrar var róleg og þægileg. Fjögur sjúkraflug voru farin á síðasta sólahring ásamt flutningum. Dælubíll liðsins var kallaður út í gærkveldi þar sem tilkynnt var um eld í blokk í Tröllagili. En glampi frá arineldi speglaðist í glugga íbúðarinnar og leit úr fyrir að um eld væri að ræða.

Í vikunni lauk heimsóknum okkar í 7. bekki í grunnskólum hér á starfssvæði Slökkviliðs Akureyrar einnig fórum við í grunnskólann á Dalvík.  Var þetta liður í átaki í forvörnum í kringum áramótin unnið í samvinnu með lögreglu..  Farið er yfir þær hættur sem geta skapast í kringum flugelda og hvað bera að varast.  Höfðað er sérstaklega til drengja þar sem að þeir eiga það til að vera fikta með flugelda, taka þá í sundur og  safna púðrinu saman til að reyna að búa til öflugri sprengjur.  Þessar heimatilbúnu sprengur eru stórhættulegar og hafa oft valdið miklum skaða.

Helgin var annasöm hjá liðinu um en  15 sinnum var liðið kallað út til starfa. 

Í síðustu viku lauk heimsóknum í alla grunnskóla á Akureyri ásamt Þelamerkurskóla, Hrafnagilsskóla, Hrísey og Valsársskóla þar sem að öll átta ára börn voru frædd um helstu atriði eldvarna.  Þessar heimsóknir voru liður í Eldvarnarátaki 2009 sem að Landssamband slökkviliðs- og sjúkraflutningamanna ( LSS ) stóð fyrir.

Rétt fyrir klukkan hálf ellefu í morgun var Slökkvilið Akureyrar kallað út vegna elds í rannsóknarskipinu Posedon sem liggur við Slippkantinn á Akureyri.

Þann 3. nóvember s.l var haldin æfing með hjálparliði  slökkviliðs Akureyrar (SA) í Eyjafirði. En SA og björgunarsveitin Dalbjörg gerðu með sér samkomulag um mönnun þess og æfingar í desember á síðasta ári.

Eldvarnir í leikskólum, Logi og Glóð. Í dag lauk heimsóknum okkar til elstu barnanna í alla leikskóla á stór Eyjafjarðarsvæðinu að Dalvík meðtöldu.  Þessar heimsóknir eru hluti af samstarfi milli leikskólanna, Slökkviliðs Akureyrar og Eignarhalsfélags Brunabótafélags Íslands.  Þar sem að elstu börnin í leikskólunum gerast sérstakir aðstoðamenn slökkviliðsins og fara yfir að brunavarnir í leikskólunum séu í lagi.

Þá er flugvallarfræðslu lokið þetta árið. Slökkvilið Akureyrar sér um fræðslu á flugvöllum landsins samkvæmt samningi þar um.

Rétt fyrir kl hálf níu í kvöld var slökkviliðið kallað út vegna mikils reyks frá húsi við Barmahlíð á Akureyri. 

Á laugardaginn tók Slökkvilið Akureyrar þátt í stórri æfingu með Sjúkrahúsinu á Akureyri, Súlum, björgunarsveitinni á Akureyri og SNAM sem stendur fyrir The Swedish National Air Medevac en þeir komu til Akureyrar með sérútbúna Boeing 737 sjúkraflugvél sem getur tekið tugi sjúklinga, þar af 6 gjörgæslusjúklinga.