Eldur - útkall

Slökkvilið Akureyrar var kallað út kl 19:00  í gærkveldi vegna elds í fjölbýlishúsi í Melasíðu.  Eldur hafði kviknað í olíu á potti og náði húsráðandi ekki að slökkva þrátt fyrir ýtrekaðar tilraunir.  Þegar slökkvilið kom á staðinn logaði olían í pottinum og töluverður reykur var í íbúðinni, sem var á fyrstu hæð, og í stigagangi.  Þegar slökkvilið hafði slökkt í pottinum var íbúðin reyklosuð ásamt stigagangi.  Einn var fluttur á slysadeild vegna gruns um reykeitrun.  Einhverjar skemdir urðu á íbúðinni vegna reyks.