Fréttir

Fræðsla og æfing í Sjafnarhúsi verða þriðjudaginn 22. nóvember fyrir B og C. vakt.  Tilgangurinn er að fara yfir þær stærri hættur sem eru á okkar starfssvæði og hvaða búnað við höfum til að eiga við þær hættur.  Sérstaklega er sjónum beint að starfsemi í Sjafnarhúsi og mun æfing miða að því að bregðast við óhöppum þar. Umsjón hafa Finnur Sigurðsson og Magnús V. Arnarsson

Ráðherra skrifaði undir samninga við Slökkvilið Akureyrar og Mýflug í morgun.

Heilbrigðisráðherra skrifar undir samninga við Slökkvilið Akureyrar og Mýflug kl. 11:00 laugardaginn 19 nóvember.

Nokkrar myndir frá Borgum Flottar myndir sem sýna vel við hvaða aðstæður slökkviliðsmenn geta þurft að berjast.

Í dag aðstoðaði slökkviliðið fyrirtækið Saga Film við auglýsingagerð.  Aðstoð okkar fólst í því að dæla vatni inn á eina af snjóbyssum úr Hlíðarfjalli því snjókoma og fannfergi þurfti til að gera auglýsinguna trúverðuga en hún var tekin upp í innbænum. 

Á laugardag fengum við heimsókn frá Slökkviliði Húsavíkur og Slökkviliði Skagafjarðar. Myndin er af Guðmundi Kára aðst-slökkviliðsstjóra Brunavarna Skagafjarðar, Guðmundur var einn af þeim sem heilsuðu upp á okkur á laugardaginn.

Á föstudaginn var stóræfing. 26 starfsmenn af 32 tóku þátt í æfingunni, æfingin tókst mjög vel.

Í gær lauk mikilli námskeiðs viku í kennslu á handslökkvitæki.  Það voru starfandi dagmæður sem mættu og fengu fræðslu í viðbrögðum við eldsvoða og notkun handslökkvitækja.

Sprenglærðir slökkviliðsmenn ll + brenna Borgir á föstudaginn. Þetta er lokadagur í æfingarviku þar sem tekið hefur verið á ýmsum þáttum slökkvistarfs fyrir lengra komna.

Laugardaginn 22. október var Slökkviliði Akureyrar afhentur nýr slökkvibíll frá MT- bílum sem verið hefur í smíðum á Ólafsfirði. Um er að ræða einn öflugasta slökkvibíl landsins af gerðinni Scania með 420 ha. vél og sjálfskiptingu. Bíllinn er með tvöföldu húsi og sætum fyrir 5 sem eru útbúinn þannig að slökkviliðsmenn fara í reykköfunarbúnað í sætum sínum á leið á eldstað.