Þann 10. janúar sl. var tilkynnt um verulegar takmarkanir á flugumferð um Reykjavíkurflugvöll. Sú takmörkun er fólgin í lokun tveggja flugbrauta, 13 – 31, í myrkri vegna áhrifa trjágróðurs á aðflugs- og brottflugsfleti umræddra flugbrauta. Þann 6. febrúar síðastliðinn var svo tilkynnt að innan 48 klukkustunda verði flugbrautunum lokað fyrir allri flugfumferð, burtséð frá birtuskilyrðum. Sú lokun mun því taka gildi laugardaginn 8. febrúar. Í kjölfar þeirra takmarkana sem settar voru á notkun umræddra flugbrauta 10. janúar sl. sendi Miðstöð Sjúkraflugs frá sér yfirlýsingu þar sem lýst var áhrifum takmarkanna á aðgengi sjúklinga af landsbyggðinni að nauðsynlegri og oft á tíðum bráðri læknisþjónustu á Landspítala. Það er augljóst og óumdeilt að algjör lokun á umræddum flugbrautum mun hafa mun verulegar afleiðingar á lífslíkur og batahorfur fjölmargrar bráðveikra og alvarlega slasaðra sjúklinga sem þurfa á tímaháðum inngripum að halda á Landspítala þar sem önnur sjúkrahús á landinu geta ekki veit viðlíka meðferð. Einnig er augljóst að keðjuverkandi afleiðingar umræddra lokana munu valda fráflæðisvanda á Landspítala, þrengja mun að legurýmum annarra sjúkrahúsa og tafir munu verða á aðgerðum og rannsóknum sjúklinga af landsbyggðinni. Miðstöð sjúkraflugs á Íslandi lýsir yfir þungum áhyggjum vegna þessara lokana, enda er óheft aðgengi sjúkraflugvéla að Reykjavíkurflugvelli í mörgum tilfellum lífsnauðsynlegt fyrir veika og slasaða af stærstum hluta landsins. Líkt og fram kom í fyrri yfirlýsingu frá hópnum eru hátt í 650 sjúklingar fluttir á ári til Reykjavíkur með sjúkraflugvélum af landsbyggðinni. Í um 45% tilfella er um að ræða sjúklinga sem nauðsynlega þurfa að komast í bráða þjónustu á Landspítala Háskólasjúkrahúsi, þar með talið sjúklingar sem þurfa að komast í tímaháð inngrip, s.s. vegna bráðra kransæðaþrenginga, heilablóðfalla og háorkuáverka. Í slíkum tilfellum er ástand sjúklinga með þeim hætti að lengdur flutningstími sem myndi hljótast vegna flutnings frá Keflavíkurflugvelli, hvort sem um er að ræða landleiðina með sjúkrabíl eða með þyrlu, getur dregið verulega úr lífslíkum eða batahorfum viðkomandi. Út frá gögnum um flug á Reykjavíkurflugvelli eru flugbrautir 13 og 31 notaðar í um 25% af öllum hreyfingum á flugvellinum. Sé það heimfært yfir á sjúkraflugið má gera ráð fyrir að það hafi áhrif á ríflega 160 flug á ári, eða um 70 sjúklinga í hæstu forgangsflokkum miðað við fjölda sjúklinga árið 2024. Um helmingur þessa sjúklingahóps er fluttur í tímaháð og bráð inngrip þar sem allar tafir teljast ógna lífslíkum og batahorfum. Af ofangreindu er það skýr og augljós krafa að aðilar málsins, þ.e. Reykjavíkurborg, Innviðaráðuneyti, ISAVIA og Samgöngustofa, axli ábyrgð og tryggi opnun og rekstraröryggi flugbrauta 13 og 31 með eins tafarlausum hætti og mögulegt er. Aðilar að Miðstöð sjúkraflugs á Íslandi eru Slökkvilið Akureyrar, Sjúkrahúsið á Akureyri og Norlandair. Nánari upplýsingar veita: Tómas Dagur Helgason, flugrekstrarstjóri Norlandair, sími: 898-2024 Gunnar Rúnar Ólafsson, slökkviliðsstjóri Slökkviliðs Akureyrar, sími: 893-0674 Chris Wolffensperger, yfirlæknir svæfinga- og gjörgæslulækninga Sjúkrahússins á Akureyri, sími: 860-0589
Yfirlýsing Miðstöðvar sjúkraflugs á Íslandi vegna lokunar flugbrauta á Reykjavíkurflugvelli Þann 10. janúar sl. var tilkynnt um verulegar takmarkanir á flugumferð um Reykjavíkurflugvöll. Sú takmörkun er fólgin í lokun tveggja flugbrauta í myrkri vegna áhrifa trjágróðurs á aðflugs- og brottflugsfleti umræddra flugbrauta. Miðstöð sjúkraflugs á Íslandi lýsir yfir þungum áhyggjum vegna þessara takmarkana, enda er óheft aðgengi sjúkraflugvéla að Reykjavíkurflugvelli í mörgum tilfellum lífsnauðsynlegt fyrir veika og slasaða af stærstum hluta landsins. Á hverju ári eru fluttir 950 til 1000 sjúklingar með sjúkraflugi þ.e. flugvélum, þar af um 630-650 til Reykjavíkur. Í um 45% tilfella er um að ræða sjúklinga sem nauðsynlega þurfa að komast í bráða þjónustu á Landspítala Háskólasjúkrahúsi, þar með talið sjúklingar sem þurfa að komast í tímaháð inngrip, s.s. vegna bráðra kransæðaþrenginga, heilablóðfalla og háorkuáverka. Í slíkum tilfellum er ástand sjúklinga með þeim hætti að lengdur flutningstími sem myndi hljótast vegna flutnings frá Keflavíkurflugvelli getur dregið verulega úr lífslíkum eða batahorfum viðkomandi. Í þeim tilfellum, sem ekki teljast bráð, er ljóst að umræddar takmarkanir á notkun Reykjavíkurflugvallar munu hafa verulega hamlandi áhrif á aðgengi sjúklinga af landsbyggðinni að heilbrigðisþjónustu og fráflæði sjúklinga frá Landspítala. Gögn um starfsemi sjúkraflugs árið 2024 sýna að a.m.k. 15% sjúkrafluga um Reykjavíkurflugvöll eiga sér stað í myrkri og þar af er umtalsverður hluti um þær flugbrautir sem nú hefur verið lokað. Það er því ljóst að lokanir umræddra flugbrauta munu hafa áhrif á batahorfur og lífslíkur tuga sjúklinga ár hvert og er á skjön við lög um jafnan aðgang að heilbrigðisþjónustu. Miðstöð sjúkraflugs á Íslandi bendir á að mikilvægt er að Reykjavíkurborg og önnur yfirvöld sem hafa með málið að gera leiti allra leiða til úrbóta málsins. Aðilar að Miðstöð sjúkraflugs á Íslandi eru Slökkvilið Akureyrar, Sjúkrahúsið á Akureyri og Norlandair. Nánari upplýsingar veita: Gunnar Rúnar Ólafsson, slökkviliðsstjóri Slökkviliðs Akureyrar, sími: 893-0674 Chris Wolffensperger, yfirlæknir svæfinga- og gjörgæslulækninga Sjúkrahússins á Akureyri, sími: 860-0589
Fulltrúar frá Slökkviliði Akureyrar eru mætt á Starfamessuna sem haldin er í Háskólanum á Akureyri í dag 🚑🚒
Starfamessan er vettvangur þar sem nemendum í 9. og 10. bekk býðst tækifæri á að kynna sér fjölbreytt og spennandi störf og þá menntun sem liggur að baki starfanna.
Þann 20. febrúar síðast liðinn luku þær Eydís Sigurgeirsdóttir og Bryndís Bjarnadóttir, starfsmenn Slökkviliðs Akureyrar, bráðatækninámi frá NMETC í Massachusetts. Þær eru fyrstu konurnar sem starfa sem bráðatæknar hjá okkur og mun þeim fjölga á næstu árum😊
Nú erum við með sjö bráðatækna á stöðinni og eru tveir starfsmenn nú þegar byrjaðir í fornámi og munu útskrifast árið 2026.
Við óskum Eydísi og Bryndísi innilega til hamingju 🚑
Í dag er dagur reykskynjarans - mikilvægasta öryggistæki heimilisins!
Inn á vefsíðunni www.vertueldklar.is getur þú nálgast ýmsan fróðleik um brunavarnir og hvernig þú ferð að því að vera ELDKLÁR á þínu heimili.
Hvernig er staðan hjá þér?
#vertueldklár
Í dag er dagur reykskynjarans - mikilvægasta öryggistæki heimilisins!
Inn á vefsíðunni www.vertueldklar.is getur þú nálgast ýmsan fróðleik um brunavarnir og hvernig þú ferð að því að vera ELDKLÁR á þínu heimili.
Hvernig er staðan hjá þér?
#vertueldklár
Þótt veðrið sé margbreytilegt, þá lætur sólin sjá sig á endanum.
Eigið öll góðan og öruggan dag.
P.s - munið eftir sólarvörn
Gleðilegan þjóðhátíðardag 🇮🇸
Myndin er tekin við æfingar í Naustum fyrr í mánuðinum 🚒
Mikill erill hefur verið í sjúkraflugi þetta árið. Rúmlega 450 flug það sem af er ári og lítur út fyrir að verða met ár.
Í fyrra fórum við yfir 450 línuna í Júlí.
Farið varlega um helgina og njótið sumarsins.
Mynd tekinn í Skagafirðinum með Mælifellshnjúk í bakgrunni.
Það viðrar vel til útiæfinga í dag ☀️
Sumarstarfsfólkið okkar er að klára verklegar undirbúningsæfingar áður en alvaran hefst 🚒🚑
“Á skíðum skemmti ég mér….”
Nú hefur snjóað töluvert seinustu daga og safnast vel til fjalla.
Við viljum benda fólki á að fara varlega þegar ferðast er í fjalllendi - vera með réttan öryggisbúnað (ýlir-skófla og stöng) og viðeigandi þekkingu.
Einnig viljum við benda fólki á að fylgjast með snjóflóða eftirliti á síðu veðurstofunar undir ofanflóð.
- mynd er sviðsett
Föstudaginn 22.mars kláraði hópur frá okkur tveggja vikna verklega lotu hjá Brunamálaskólanum. Sú lota endaði svo með verklegu færnimati í þeim þáttum sem snerta lögbundið starf slökkviliða.
Þar má nefna:
- Efnaköfun
- Rústabjörgun
- Reykköfun
- Björgun fastklemmdra úr bílum
- Vatnsöflun
- Skipulag og vettvangs mat á slysstað
Í raun markar þetta lok á árslöngu námi sem var bæði bóklegt og verklegt. Námið var bæði fróðlegt og krefjandi, næsta skref hjá þessum hóp er framhaldsnám hjá Brunamálaskólanum.
Þann 11. febrúar síðast liðinn var 112 dagurinn haldinn hátíðlegur á Glerártorgi. Þar komu saman viðbragðsaðilar á Akureyri og kynntu sýna starfsemi fyrir gestum og gangandi.
—- Spennandi starf í boði ——
Slökkvilið Akureyrar óskar eftir að ráða slökkviliðs- og sjúkraflutningamenn. Um er að ræða afleysingastörf vegna sumarleyfa starfsmanna við sjúkraflutninga, slökkvistörf og önnur almenn störf slökkviliðsins. Vinnufyrirkomulag er vaktavinna.
Frekari upplýsingar á: https://jobs.50skills.com/akureyri/is/25885
Senn rennur nýtt ár í garð og að þvi tilefni viljum við minna á nokkur einföld atriði sem gott er að hafa huga.
Hugum að öryggi
Slökkvilið Akureyrar óskar öllum, nær og fjær, gleðilegra jóla og farsældar á nýju ári.
Munum að fara varlega yfir hátíðirnar.
Hugum vel að eldvörnum yfir hátíðarnar!
Hér eru nokkur einföld atriði til að hafa í huga.
Á ferðum okkar innanbæjar höfum við tekið eftir skort á endurskinsmerkjum vegfarenda.
Margir dökkklæddir og sjást illa. Endurskinsmerki er mikilvægur þáttur í öryggi allra í umferðinni. Fannst okkur því gild ástæða að minna á þennan einfalda öryggisbúnað.
Verum sýnileg
Fallegt veður í Reykjavík um daginn þegar sjúkraflugvélin var að leggja afstað norður.
Í dag er dagur reykskynjarans - mikilvægasta öryggistæki heimilisins!
Inn á vefsíðunni www.vertueldklar.is getur þú nálgast ýmsan fróðleik um brunavarnir og hvernig þú ferð að því að vera ELDKLÁR á þínu heimili.
Hvernig er staðan hjá þér?
Hér má sjá nokkur heilræði til almennings um hvernig skal bregðast við forgangsakstri.
Við notum forgangsljós/ hljóð af ástæðu og þökkum ykkur innilega tillitssemina.
Við erum saman í umferðinni og rétt viðbrögð tryggja öryggi okkar og ykkar.
Eigið öll góðan dag
Brot af því besta!
Þessi lota í atvinnunámi slökkviliða var áhugaverð, bæði fyrir nemendur sem og leiðbeinendur. Margt nýtt var æft til að gera slökkvistarf öruggara og árangursríkara.
Einnig voru tæknileg klippu verkefni (að klippa bíla) sett á borð nemenda sem þau leystu fagmannlega og örugglega.
Njótum hátíðanna í öruggu umhverfi
Sex starfsmenn/konur Slökkviliðs Akureyrar hófu atvinnunám sem slökkviliðsmenn/konur í október. Námið er í umsjá Brunamálaskólans sem starfar undir Húsnæðis- og Mannvirkjastofnun.
Tilgangur námsins er að móta öfluga og örugga meðlimi slökkviliða. Í dag voru æfingar í nokkrum þáttum sem snerta okkar starf og í næstu viku hefst 7 daga lota og munum við leyfa ykkur að fylgjast með.
Sjúrkraflugvélin að lenda á Akureyri í lok dags.
Hér koma fleiri myndir frá æfingu okkar á Krossanesi.
Þessi æfing gekk gríðarlega vel og má þakka góðu skipulagi.
- Æfing -
Í gær var Krossanes brennt. Akureyrarbær tók ákvörðun að ætti að rífa húsið. Áður en það var gert fékk Slökkvilið Akureyrar að brenna húsið í æfingar skyni. Þarna fengu reykkafarar að æfa slökkvistarf innan dyra með alvöru eld. Eftir það var húsið gert alelda og fengum við tækifæri að fylgjast með þróun bruna.
Þetta er einstakt tækifæri fyrir okkur að fylgjast með. Það er ekki alltaf sem við fáum að æfa í “alvöru” aðstæðum sem þessum.
Fleiri myndir koma á næstu dögum.
Fleiri svipmyndir frá jarðgangna æfingum. Eins og sést á myndum er hægt að gera aðstæður gífurlega raunverulegar.
Markmiðið er að þjálfa slökkvilið í fumlausum og fagmannlegum vinnubrögðum þegar eldur kviknar í jarðgöngum.
Öll lið hafa staðið sig gífurlega vel og nýtt þau tæki og bjargir sem þau hafa.
Jarðgangna æfingar halda áfram.
Síðustu mánuði hefur @vegagerdin og Slökkvilið Akureyrar staðið að æfingum á Siglufirði (Strákagöng) og á Ísafirði (Óshlíðargöng).
Þessar æfingar eru mikilvægar að mörgu leiti. Bæði til að átta sig á getu ganga til a reyktæma sig og til að þjálfa slökkvilið þegar slys ber að í jarðgöngum.
Klár í allt
Sjúkrabílarnir okkar eru með allskonar búnaði. Hér má sjá svo kallaðan flutningsbúnað. Í nýjustu bílunum okkar eru líka rafmagnsbörur.
“Slökkvitækni að utan” - þegar kemur að því að slökkva eld, þá þurfum við ekki alltaf að fara inn í hús, nema að einhver sé þar inni.
Hér er verið að æfa sig í því að komast upp á þak, þar er notast við krók stiga, svo er borað gat á þakið. Í gatið er svo settur ákveðinn rekstútur sem dreifir vatni (blandað froðu) inn í rýmið og þekur það.
Þessi tækni er öruggari en að fara inn í rýmið. Besta tæknin er sú sem tryggir öryggi okkar eins og hægt er, en er mismunandi eftir aðstæðum.
Værir þú lofthrædd/ur þarna?
Á mynd sést sólin rísa yfir skýjum.
Júlí var annasamur mánuður hjá Slökkviliði Akureyrar.
- 289 sjúkraflutningar (þar af væri 13% erlendir ferðamenn)
- 5 útköll á dælubíl
- 97 sjúkraflug með 105 sjúklinga (af þeim voru 19% erlendir ferðamenn)
Njótum dagsins
Æfing - æfing og aftur æfing.
Það eru margir þættir sem koma að því að vera fær slökkviliðsmaður/kona. Í raun er alldrei hægt að verða of fær.
Á myndinni sést ein af okkar færu slökkviliðs konum við æfingu að klippa bíl.
Þar skiptir máli hvar er klippt, hvers vegna og hvernig skal framkvæma það á skilvirkan máta.
Í byrjun sumars var ákveðið að halda golf-mót Slökkviliðs Akureyrar og Lögreglunar á Norðurlandi eystra.
Svona einfaldir hlutir hjálpa okkur að kynnast innbirgðist og tryggja betra og öruggara samstarf þegar þau mál koma upp.
Hér sést slökkviliðsstjóri á Akureyri pútta (hann hitti)
Æfingar við notkun á körfubílum. Þrátt fyrir að við æfum hluti sem geta verið alvarlegir í raunveruleikanum, þá má samt hafa gaman af því að æfa.
Gleðilegan 17.júní. Hér sést Ford slökkviliðsbíll sem var í notkun til 2004. Síðan þá hefur hann verið uppgerður að öllu leiti og kíkjir núna bara út á hátíðar dögum.
Að nota hjálm skiptir höfuðmáli. Nú þegar sumarið er gengið í garð viljum við minna alla á að nota hjálm. Hvort sem það er á reiðhjóli, rafskutlu, mótorhjóli….þá er það margsannað að hjálmurinn bjargar.
Fækkum slysum í sameiningu!
Styrkur heildarinnar myndar faglegt, öruggt og sterkt teymi.
Í dag styrktist teymið okkar en frekar. Í dag útskrifaðist Sandra Ásgrímsdóttir (til vinstri) með M.S í heilbrigðisvísindum og Bryndís Elva Bjarnadóttir (til hægri) með B.Sc í hjúkrunarfræði.
Ein af tveimur sjúkraflugvélunum okkar að taka á loft.
Það sem af er ári höfum við flutt rúmlega 400 sjúklinga í tæplega 390 flugum.
Slökkvilið Akureyrar þakkar þessum æðislegu og hressu krökkum af Eyjafjarðarsvæðinu kærlega fyrir komuna á Loga og Glóð.
Slökkvilið Akureyrar setur upp skemmtilega þrautabraut fyrir krakkana. Þar fá þau að kynnast starfi okkar og auðvitað prófa að sprauta smá vatni.
Í dag, föstudaginn 12.maí, fagnar landsamband Slökkviliðs- og sjúkraflutningamanna/kvenna 50 ára afmæli. Félagið var stofnað þennan dag 1973. Var það stofnað til að efla staf slökkviliðsmanna.
Við hjá slökkviliði Akureyrar sinnum slökkvistarfi, sjúkraflutningum og sjúkraflugi.
Slökkvilið Akureyrar og Heilsugæsla Akureyrar vinna náið saman, þar sem HSN eru með læknisfræðilega forsjá yfir utanspítalaþjónustu. Það þýðir einnig að við hljótum stuðning hvort af öðru í þeim útköllum sem kallar á sterkt sérhæft viðbragð.
Í dag var sett upp æfing þar sem Slökkvilið Akureyrar og læknar frá HAK æfðu samvinnu á vettvangi.
Sterkt samstarf - Góð samskipti - Fagleg vinnubrögð
Í dag, 4.maí, er alþjóðlegur dagur slökkviliðsmanna og kvenna. Dagurinn var tekinn frá fyrst árið 1999 eftir að 5 slökkviliðsmenn létu lífið í baráttu við skógarelda í Ástralíu.
Til hamingju með daginn bræður og systur. Munum að hafa öryggi og fagmennsku í fyrirrúmi í okkar starfi.
Fallegt veður í Vestmanneyjum. Frá og með gærdeginum erum við búin að fljúga hátt í 260 sjúkraflug það sem af er ári.
Við erum dugleg að æfa okkur í öllum þeim aðstæðum sem upp geta komið.
Hér er verið að æfa vinnubrögð þegar klippa þarf bíl til að ná einstakling úr bifreið.
Á síðustu mynd sést þegar bíll er klipptur þegar hann er á hlið.
Við þökkum Hringrás fyrir að leyfa okkur að æfa okkur á bifreiðum áður en þeir enda í pressunni.
Þeir Árni Friðriksson og Jónas Godsk Rögnvaldsson luku nýverið Bráðatækna-námi frá NMETC - Boston. Við óskum þeim innilega til hamingju.
Þessi menntun styrkir ekki aðeins þá heldur einnig styrkir þetta öflugu teymið hjá Slökkviliði Akureyrar.
Hvernig er hægt að undirbúa sig fyrir hvað sem er?
Með markvissum og tíðum æfingum. Hér sést æfing við björgun á einstakling sem fallið hefur í vök.
Æfing dagsins var að “kaldara” taginu. Æfingar-útkallið var að einstaklingur hefði fallið í vök.
Við æfðum aðkomu og björgun á fljótvirka og öruggan hátt.
Förum varlega og höldum ekki útá ísinn að óþörfu.
Slökkvilið Akureyrar óskar eftir að ráða verkefnastjóra á skrifstofu Slökkviliðs Akureyrar.
Um 100% ótímabundið starf er að ræða í dagvinnu.
- https://jobs.50skills.com/akureyri/is/19103
Virkilega spennandi nýtt starf og getur það tekið þróun í samræmi við það.
Nánari upplýsingar veitir Gunnar Rúnar Slökkviliðsstjóri í síma 461-4201
Laugardagar eru nýttir í að þrífa stöðina og tæki okkar.
Slökkvilið Akureyrar leitar af starfskrafti í sumar-afleysingar. Spennandi og krefjandi starf fyrir áhugasama. Vilt þú vera partur af einstöku teymi?
- https://jobs.50skills.com/akureyri/is/18587
Nýr varaslökkviliðsstjóri - Maron Berg Pétursson.
Við óskum honum innilega til hamingju með nýja starfs titilinn.
Við erum stolt af okkar teymi og þeim styrk sem býr í því.
Hvað gerir sterkt teymi? Samvinna að sameiginlegum markmiðum, framkvæmt af fagmennsku.
“Under pressure”
Æfingar eru mismunandi og með mismunandi tilgangi.
Hér erum við að æfa álag í fullum reykköfunargalla.
Þér verður heitt, það verður erfitt að anda, ásamt því að vera að gera líkamlegar æfingar.
Þol æfing - vaktirnar taka reglulega svo kalla “loft æfingu” þar er búin til þrautabraut og markmiði er að fara eins marga hringi og hægt er á einum loftkút
Braut:
- 10 ferðir upp og niður stiga
- Draga 70kg dúkku 50 m
- Slá dekk með sleggju 20x
- Draga dúkku 50m
- Skríða undir þröng rými
- 40x kaðlasipp
Og svo annan hring.
Slökkvilið Akureyrar í Hrísey fékk í dag afhendan nýjan slökkvibíl af gerðinni Mercedes Benz Sprinter árgerð 2008. Nýi bíllinn leysir af hólmi eldri slökkvibíl eyjarinnar, MAN árgerð 1987 sem Hríseyjarhreppur keypti árið 2003.
Á myndinni eru: Klas - Ingólfur og Vigfús og Hörður sem að afhentu bílinn frá Akureyri.
Þriðjudagurinn 7.febrúar!
Móðir náttúra lætur vita af sér eina ferðina enn.
Von er á SV átt með mikilli úrkomu!
Sunnan og suðvestan 23-28 m/s og talsverð snjókoma. Mjög snarpar vindhviður við fjöll, staðbundið yfir 40 m/s. Fólki er bent á að tryggja muni utandyra. Ekkert ferðaveður á meðan veðrið gengur yfir.
Jæja, það er næsta lægð. Við erum orðin svo vel æfð í þessu og verður því lítið mál.
Tilkynning frá veður.is:
- Líkur eru á suðlægri átt 20-28 m/s vestantil á svæðinu, á Tröllaskaga, í Eyjafirði og í Kinn. Staðbundið geta hviður farið yfir 40 m/s. Nauðsynlegt er að tryggja lausamuni til að fyrirbyggja foktjón. Varasamt fyrir ökutæki sem taka á sig mikinn vind.
Reykköfun - æfing
Það eru margir þættir sem snerta reykköfun. Þar kemur inn verklegt vit, hugsun undir pressu og að geta leyst vandamál sem að gætu komið upp.
Þegar við æfum þá reynum við að búa til eins raunverulegar aðstæður og við getum. Til þess notum við reykvélar, hindranir og gas pönnur sem búa til eld til að slökkva.
- Að vera undirbúinn -
Á vöktunum reynum við að nýta tíman eins og hægt er, þegar við erum ekki að sinna öðrum verkefnum. Hér er liðið að spá í hvernig skuli leysa björgun úr reykfylltu skipi.
Þar eru okkar helstu áskoranir - þröngir gangar - auðvelt að villast þegar reykur hefur fyllt rýmið og aðgengi til og frá skipi.
Það er mikilvægt að vera undirbúin fyrir það versta.
Nýr slökkviliðsstjóri hefur tekið við störfum hjá Slökkviliði Akureyrar, Gunnar Rúnar Ólafsson. Við óskum honum til hamingju með starfið og hlökkum til spennandi tíma. Hægt er að lesa meira um málið á Akureyri.is
Núna nýverið var fest kaup á “flotdælu” hjá Slökkviliði Akureyrar. Þær auðvelda okkur slökkvistarf, þá sérstaklega þegar við þurfum að fá vatn úr ám og/eða öðrum vatnsbólum. Í morgun var hún prófuð upp við stíflu á Akureyri.
Friends that workout together, stay together
Frá Veðurstofu Íslands:
Eftir kuldatíð síðustu vikna, er tíðinda að vænta á föstudag (20. janúar), þar sem spáð er asahláku um allt land. Búið er að gefa út gula viðvörun frá föstudagsmorgni fram á laugardag. Búast má við talsverðu afrennsli vegna úrkomu og snjóbráðnunar, einnig vexti í ám og lækjum. Hyggilegt er að huga að niðurföllum til að vatn komist leiðar sinnar í fráveitukerfi og forðast vatnstjón. Flughálka er líkleg til að myndast á blautum klaka.
Búast má einnig við því að klakastíflur losni og ár ryðji sig.
Mikilvægt er að fylgjast vel með veðurspám næstu daga og hægt er að fylgjast með viðvörunum hér
https://vedur.is/vidvaranir
Tæki í línu - það eru þau tæki sem við notum í fyrsta viðbragði í mismunandi verkefnum. Það eru þrír sjúkrabílar - Stór dælu bíll - Björgunar bíll m/ dælu og stigabíll m/ körfu.
- Hringrás 2007 - (ATH GÖMUL MYND)
Slökkvilið Akureyrar er stolt af því teymi sem myndar slökkviliðið. Við einsetjum okkur að leysa verkefni á fagmannlegan og öruggan hátt!
.
.
.
.
.
.
.
.
#fire #firefighterchronicles #firefighterlife
Erum við að leita að þér?
Slökkvilið Akureyrar óskar eftir að ráða Slökkviliðs- og sjúkraflutningafólk til starfa.
Allar frekari upplýsingar inn á Akureyri.is - störf í boði
https://jobs.50skills.com/akureyri/is/17479
Eigið þið öll gleðilegt og öruggt kvöld!
Slökkvilið Akureyrar óskar íbúum, gestum og landsmönnum öllum gleðilegt og farsælt komandi ár
“Jó-hó-hó-lakveðja”
Slökkvilið Akureyrar óskar öllum gleðilegra jóla og farsældar á nýju ári.
Við vonum að allir muni eiga öruggar og góðar samverustundir um jólin!
“Sælla er að gefa en þiggja”
Starfsmenn Slökkviliðs Akureyrar heyrði fréttir af því að alldrei hefðu fleiri óskað eftir mataraðstoð yfir hátíðarnar, og þá var ákveðið að leggja hönd á plóg. Starfsmenn SA söfnuðu saman í sjóð og var farið og verslaðir matarpakkar. Starfsmenn SA komu saman og afhentumatarpakka til Sigríður Steinarsdóttir sem sér um dreifingu. Stöndum saman því það eiga allir skilið að eiga gleðileg jól.
Að huga að heilsunni og byggja um sterkt teymi!
Okkar starf er líkamlega krefjandi, því er mikilvægt að stunda líkamsrækt og liðleikaæfingar til að halda okkur í besta líkamlega formi. Við erum svo heppinn að fá @sonjasifj til að vera með tíma þar sem að við getum æft saman, einnig byggjir það upp jákvæðan starfsanda og styrkir teymið!
Saman gerum við gott samfélag betra! Í dag fengum við aðra virðulega gjöf, þessi var frá félagsheimilinu Salka Víðilundi. Við þökkum kærlega fyrir okkur og tryggjum að þessir 57 bangsar fái gott heimili!
Í dag tókum við á móti 62 böngsum! Bangsarnir eru handgerðir af félagi eldriborgara í félagsmiðstöðinni Birta.
Bangsarnir gegna því mikilvæga hlutverki að aðstoða okkur við að börnum líði betur þegar þau “lenda” í því að fá ferð með sjúkrabíl.
.
Við þökkum innilega fyrir þessa æðislegu gjöf og verður ánægjulegt að veita þessum böngsum nýtt heimili
Vertu eldklár!!
Mikilvægasta öryggistæki heimilisins er reykskynjarinn, ódýrt en öflugt tæki sem verndar heimili, fjölskyldur og vinnustaði. Skiptum um rafhlöðu einu sinni á ári, höfum reykskynjara í öllum rýmum heimilisins. Reykskynjarinn bjargar mannslífum.
Ekki bíða skiptu núna! vertu eldklár!
Seinustu daga hélt @slokkvilidfjardabyggdar ásamt @slokkvilidakureyrar bruna æfingu í jarðgöngum í Fjarðabyggð. Slökkvilið Akureyrar sendi tvo aðilla frá sér @eydissigurgeirs og @gesturthorr sem sáu um uppsetningu æfingarbúnaðar frá @fireware_nl. Æfingin gekk einstaklega vel. Það sem svona æfingar gera er að styrkja samstarf slökkviliðs eininga og einnig fáum við tækifæri að æfa við erfiðar aðstæður með búnað og reyk sem er ekki mengandi né ógnar heilsu okkar.
Reykskynjarinn er mikilvægasta öryggistæki heimilisins, í dag er dagur reykskynjarans 1. desember og þá er tilvalið að kanna stöðuna á rafhlöðunni - Ekki bíða skiptu núna! Vertu eldklár!!! #dagurreykskynjarans
Gaman er að segja frá því að á næturvaktinni sem var að líða var fyrsta vaktin sem kvenmenn voru meirihluta. Þetta er virkilega jákvæð þróun hjá Slökkviliði Akureyrar.
Í gær, 15.10.22, var haldinn flugslysaæfing á flugvelli Akureyrar. Alls tóku 250 manns þátt í æfingunni sem skipulögð var af ISAVIA og Almannavörnum. Fjölmargir viðbragðsaðilar tóku þátt í æfingunni ásamt stórum hópi leikara.
Svona æfingar eru mikilvægar fyrir svæðið í heild sinni, því þökkum við tillitssemina.
Slökkvilið Akureyrar sendir þakkir til allra sem komu að æfingunni og þeim sem tóku þátt!
Reglulega tökum við svokallaða galla æfingu. Þar æfum við að klæða okkur upp fyrir reykköfun á sem skemmstum tíma. Það er mikilvægt að æfa sig að bregðast fljótt og örugglega við.
Förum varlega í veðrinu á morgun og verum undirbúin. Þá er mælt með því að tryggja lausamuni T.d. Ruslatunnur - trampólín etc. Einnig er mælt með því að hreinsa lauf og sand frá holræsum. Við munum auðvitað standa vaktina ásamt öðrum viðbragðsaðilum.
Starf slökkviliðs Akureyrar er margþætt. Hér sést meðlimur slökkviliðsins við æfingar að síga niður húsvegg.
Markmið okkar er, eins og alltaf, að vera klár í að leysa misjöfn verkefni á fagmannlegan og markvissan hátt.
Æfing í Vaðlaheiðagöngum gekk einstaklega vel. Við sem lið lærðum ýmislegt sem mun nýtast okkur í framtíðinni. Vonandi fáum við bráðlega að gera svipaða æfingu.
Einnig má nefna að nýji æfingabúnaðurinn okkar frá @fireware_nl er virkilega spennandi búnaður sem mun auka gæði í okkar æfingum.
.
.
.
Mynd fenginn frá @visir.is
Mikilvæg tilkynning! Vegna æfingar verða Vaðlaheiðargöng lokuð milli 10:00 og 15:00 Þriðjudaginn 13.sept.
Þessi lokun gefur okkur mikilvægt tækifæri til að æfa ef slys ber að garði innan gangnanna. Við þökkum tillitssemina.
Við erum alltaf á vaktinni fyrir þig! Hér má sjá yfir tækjasal slökkviliðsins.
Eins og sjá má erum við búin allskonar tækjum til að takast á við mismunandi verkefni.
Stigabílinn við æfingar á athafnasvæði Slippsins Akureyri. Æfingin snérist um að ná “sjúkling” af brú skips.
Stigabílinn er virkilega áhugavert verkfæri við störf okkar og hægt að nýta hann við allskonar verkefni.
Hvað heldur þú slökkvilið Akureyrar sinni mörgum sjúkraflugum mánaðarlega?
Júlí er búin að vera einstaklega annasamur þegar kemur að sjúkraflugi, 116 flug og 121 sjúklingar fluttir (ca. 4 flug á dag). Til samanburðar þá var annasamasti mánuður frá upphafi 100 flug, en það var í fyrra.
Þjálfun…
Eitt af því helsta sem að tryggir öryggi okkar í starfi er þjálfun. Hér sést einn af slökkviliðsmönnum Akureyrar æfa uppgang á þak með notkun stigabíls.
.
.
.
Training…..
Here you see one of our firefighters training roof access with the use of our ladder truck.
Þessi frábæri hópur var að útskrifast úr framhaldsnámi í sjúkraflutningum. Óskum þeim innilega til hamingju!
Mjög svo stutt útgáfa af inntökuprófi sem fram fór nýverið.
Gleðilegt nýtt ár kæru vinir!
Við máttum til með að deila þessari fallegu ljósmynd úr fyrsta sjúkraflugi ársins 2022 ☀️ Þess má geta að árið 2021 sinntum við 810 sjúkraflugum og 893 sjúklingum þar sem stundum voru fleiri en einn í sama flugi.
Ljósmynd: @crnala11
Slökkvilið Akureyrar óskar landsmönnum öllum gleðilegra jóla og farsældar á nýju ári ⭐. Á meðan við gætum ykkar biðjum við ykkur að gæta hvers annars, heimilis og umhverfis.
Á þessum tíma árs sem á að snúast um samveru og fögnuð reynast hertar sóttvarnaraðgerðir mörgum erfiðar. Leyfum okkur að upplifa allar þær tilfinningar sem því fylgir, lærum hvernig við tökumst á við þær og lærum að þekkja okkur sjálf betur. Eyðum gæðastundum með okkar nánasta fólki og minnum hin á hversu miklu máli þau skipta okkur.
Dagur reykskynjarans er í dag! Ert þú búin/n að gulltryggja eldvarnir á þínu heimili? 🧯
Okkur hér á stöðinni langar að nota tækifærið og hrósa unga fólkinu sem kom til okkar í bólusetningu í dag. Þessir krakkar stóðu sig með afbrigðum vel, allir (flestir) til í’edda og öll getum við verið stollt af þeim. Vel gert, krakkar!!
Í dag bólusettu hjúkrunarfræðingar HSN um 1000 manns. Lengi vel var löng biðröð hjá okkur en vá! Þvílíkt rennsli ;) takk HSN, takk Lögreglan og takk Súlur! Já og takk SA auðvitað ;) en mest takk á krakkana….. takk!! #sprittogmaski
100 fluga múrinn rofinn!! Settum “mánaðarmet” í júlí. Fyrsta sinn sem svo mörg flug eru á einum mánuði. Ársmetið er 806…… sennilega verður það þó ekki slegið þetta árið. Farið varlega þarna úti og njótið veðurblíðunnar ;)
#maskiogspritt
Annríki hefur verið hjá okkur í sjúkrafluginu upp á síðkastið. Júlímánuður hefur verið drjúgur og enn er heill dagur eftir ;) í þessum töluðu er MYB í flugi nr 94 bara í júli……
Verið er að græja seinni vélina í flug nr 95. 95 flug með 102 sjúklinga bara í júlí. Annars erum við bara hrikalega hress og vonum að allir séu að fara vel með sig og passa búbbluna ;) #sprittogmaski
Eftir að MYA hafi verið á lofti í mest allan dag er “hin” vélin líka komin af stað. Í þessum töluðu orðum eru þær báðar MYA og MYB í F1 flugi sem er hæsti forgangur fluga. Telst fréttaritara slökkviliðsins til að þetta séu flug nr433 og 434 þetta árið. #sprittogmaski
“Farið yfir dótið”
Alltaf gaman í vinnunni. Þegar einn okkar er í sjúkraflugi yfir landinu er vaktin að brasa heima við. Þarna er farið í virkni grjónadýnu sem auðveldar til muna flutning slasaðra/veikra á milli staða. Dýnan er lungamjúk eina stundina en verður grjóthörð þegar búið er að lofttæma hana. Virkar hún þá eins og risastór spelka. Góður og vel hirtur búnaður er gulli betra. Njótið blíðunnar þarna úti og farið varlega….. #sprittogmaski
Ítalir unnu Eurovision OG EM í boltasparki….. VIÐ erum að rústa Covid bólusetningunni……
Bólusetning á morgun 13 júlí. Herlegheitin byrja kl 12 á slökkvistöðinni. Ýmsar tegundir í boði ;) Hvetjum alla til að fara á hsn.is og athuga hvenær best er koma. Hlökkum til að sjá sem flesta ;)
https://www.hsn.is/is/um-hsn/frettir/category/9/bolusetningar-i-viku-28-og-29-13-til-23-juli
Jæja, krakkar þá hefst lokaspretturinn ;) Bólusetningar-áætlun vikunnar ;) þriðjudagur frá kl 12-16 Astra seinni sprauta,
Miðvikudagur 9-15 Pfizer seinni, Fimmtudagur 9-11 Jansen opið hús ;) koma svo, K-áin þrjú!! Kveðum þennan Kauða í Kút!!
Sjá meira
